تفتكر احنا كده أصحاب ...

 لما تبقى صاحبي و حبيبي ...

ومن ورايا بتقول " ده أصلاَ ما ينفعش صاحب " ...

تفتكر احنا كده اصحاب .... 

لما تشوفني بعد مدة و تاخدني بالحضن و تقولي واحشني ....

و من ورايا تقول " أنا مش عايز أعرفه تاني " ...

تفتكر احنا كده اصحاب ...

لما تعمل إنك ظهري اللي بيحميني في غيابي ...

بس من ورايا لما حد يغلط فيا ما بتدافعش عني ...

تفتكر احنا كده أصحاب ...

لما آجي أقف معاك في وسط ناس و تقولهم إن أنا أحسن و أجدع صاحب عرفته ...

بس بتقول من ورايا و بعد ما أمشي " ده ندل و عرفنا عشان يفرقنا " ...

تفتكر احنا كده أصحاب ...

لما أقف جنبك في محنتك و أعوضك عن حاجات كتير و أبقالك أكتر من أخ ...

و بعدين تقولي " إنت بعتني و ما وقفتش جنبي " ...

و تنسب وقفتي جنبك لناس عمرهم ماحبوك حتى ...

تفتكر احنا كده أصحاب ...

لما أسأل عليك و اطمن و اعمل كل حاجة عشان أسعدك ...

ولما أحتاجك ..تبيعني ...

تفتكر احنا كده أصحاب ...

لما الدنيا تفرقنا وبعدها أشوفك و أناديلك عشان مشتاقلك ..

و تيجي تسلم على كل الناس الموجودة و كأنك مش شايفني ...

ولا كإن السلام لله ...

تفتكر احنا كده أصحاب ...